يا ريم ( موجهة إلى ابنة المرحوم أخي )

لـ فيصل الجابري، ، في غير مُحدد، آخر تحديث

يا ريم ( موجهة إلى ابنة المرحوم أخي ) - فيصل الجابري

يا ريم قوليلي وش أخبارك الحين
يا بنت غالي من سنينٍ فقدناه

لو إنه فارقنا وله عدة سنين
حاشا وكلا من الدعاء ما نسيناه

يا ريم انتي من مواليد عشرين
عمرك ترانا بالدقايق حسبناه

واليوم حنا بعام سبعة وثلاثين
يعطيك طول العمر وتحققي مناه

تكفين يا بنتي وأنا أقول تكفين
اتذكّري إنك بنت أبوك المسمّاه

أدعي لأبوك بكل وقتٍ تصلين
واتخيليه يجاوبك في المناداه

ويقلك انتبهي ترى هالزمن شين
خلّي رقيبك دائماً ربك الله

صلّي فروضك ولا تقولين بعدين
بعدين تعطي فرصةٍ للمغاواه

ويا ريم انتبهي لجود انتم أختين
إياك جود تمرّ بأيّة معاناه

وسمعتك من سمعة أهَلْك المربين
والنعم بأهلك وانتي لاشك مرباه

وأنصحك بحجاب يتماشى مع الدين
ماهو الحجاب اللي يبا حجاب يعلاه

ورفيقة السوء احذري لا تخاوين
ترى المساوئ تنتقل بالمخاواه

ودراستك يا ريم امشي بها زين
ترى الشهادة درع يوم الملاقاه

ويا ريم أمك وانتي يا ريم تدرين
ضحّت عشانك عمرها ما شكت آه

برّي بها وإياك عنها تصدين
من يغضب أمه لازم بيوم يلقاه

هذي وصاتي وأدري إنك تعَرْفين
انتي ذكية ولا انتي في حاجة اوصاه

© 2024 - موقع الشعر