المجد راس وفعلك اليوم هامه
حقايق ٍ ماهي دعايات واوهام
افرح ياشعب وغردي ياحمامه
وجري لحونك واطربينا بالانغام
لأجل المليك اللي لفا بالسلامه
امامنا العادل ولا غيره إمام
عبدالله اللي حط شعبه همامه
عسى حياته دايمه طول الأعوام
ياذروة المجد التليد وسنامه
اللي نرز لشوفته خضر الأعلام
مدة يمينه مثل وبل الغمامه
ومن حكمته تحققت كل الأحلام
كرس قراراته وجل اهتمامه
يالين خلا الشعب في خير وإنعام
وحنا تحت امره وإشارة إبهامه
نفديه بالأرواح لااشر بالابهام
واللي يدس الراس مثل النعامه
ويزرع حقول من القنابل والالغام
لايحسب انه يهتني في منامه
والله ماله عندنا غير الاعدام
تم الكلام ولابقى إلا ختامه
وختامها صلو على خير الانام
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.