جتني قصيده تستحقّ الاشاده
ابيات للي منبع ابياته الذوق
شاعر خذا لجزل القصيد السياده
له منزلٍ عندي مهو ل اي مخلوق
ومن جوهر أبياته اخذت الافاده
وين انت ياللي بكثر الاشغال مخنوق
ترا الوناسة والطرب والسعاده
فرقا الديار وزحمة الناس بالسوق
مع درب راع المعرفه والركاده
صميدعٍ ما جلعد بشور مطفوق
في خايعٍ قفرٍ يذعذع براده
يازين مع شمس الضحى مرتع النوق
ما لوم من شفّه وغاية مراده
وضحٍ هواها ساق راع الهوا سوق
بمراحهن يرمي علاج العياده
من كان دايم بابرة دواه مدقوق
يدله بهن عن كل هم ونكاده
بارضن كساه النبت من كل زملوق
هذا ومن دافع هوايه وعاده
الطير له عندي مواجيب وحقوق
يعطي على دخل انبساطي زياده
فرخٍ وحش ما قيّض العام بسبوق
ان وفّق المولى بفرصة هداده
ورّد على برقا الجناحين من فوق
يا ادّيت للخالق فروض العباده
سق القدم يا صار ما بالقدم عوق
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.