ثقل النفوس لنقص أهلها علامه

ثقل النفوس لنقص أهلها علامه
ينحط واذا صافح يمدّه كفيّا

انت السلامه من سلامك سلامه
حالتْك ميّت نفس حالتْك حيّا

حي من جمع منطق وطيب وفهامه
اللي لظمى من ظامه العوز ريّا

رجلٍ يبيّن بالمجالس مقامه
يا رحّب الكل بجنابه وحيّا

من لا احترم غيره يكون احترامه
ابعد عليه من الثرى للثريّا

ومن لا حشم نفسه وثمّن كلامه
ماله قبول ولا حفاوه هنيّا

لا خير في رجال ما به كرامه
ولابه على ميلة رفيقة حميّا

لولا القبال السمح والابتسامه
ما يشتهر بالجود طلق المحيّا

ولولا الأذى من كان لابس احرامه
ما يقتل بنص الحديث الحديّا