الشعر ما ينتمي للهزل وضعوفه

الشعرما ينتمي للهزل وضعوفه
الشعر ورث لنا نحفظ ملفاته

حنا هل الشعر لا من قامت صفوفه
وحناهل الطيب لامن جات حزاته

والحر لا من رقى مايرخي كتوفه
يقدم على صيدته وتبين هداته

وان كان بعض العرب حي(ن)ولا نشوفه
وزود على الصد يبخل باتصالاته

لايحسب انه مغطينا بمعروفه
والله ما نطمع بجوده ومداته

وترى العرب للعرب ماهيب مكلوفه
ومن لا رفع قدرنا نقطع علاقاته

وبعض الحركات مهما كان مكشوفه
و الرجل نعرف ضميره من حركاته

لا صار ندور رضاه ونتبع شفوفه
وهو على راحته يجهر بصداته

فأما يجيب العذر ويبين ظروفه
وإلا جهاز النداء نقفل محطاته