أشوف الناس قدامي عيونٍ خانها التعبير ~

ولاتِزمل .. ولاتسأل .. ولاتستنطق التأخير
يموت الليل ماباحت نجومه بآخر أسراره

ولك في داخلي صورة عليها ( يُمنع التأثير )
ولك .. ريشه .. وكراسه .. وكوب أبيض ومطاره

سكبتك بالحنايا سلسبيلٍ ذاااب فيه الخير
سقى ضلع المحبه ب الرضا وانكسرت اعذاره

وانا .. يا اغلى من ضلوعي رسمتك في سمايه طير
لأن بداخلك ll قلبٍ ll يرد الطير لاوكاره

خجول منكّسٍ راسه بعد ماكان قلبه غير
بعد ماكانت الامثال تصدر من قعر داره

ولوّنتك ll كرم شمّر ll ونسماتك شذا نوّير
وخلفيّة حكاياتك عروق القلب واوتاره

وانا .. يا ابوووي .. ياقصة غلاي وقصة التقدير
ترا صكت بي الدنيا وشحّ الغيم بامطاره

لبست من العنا ثوبٍ طويييل بآخره ’تكسير’
وطرقت بليلةٍ ظلما .. ع باب الهم بدياره

فتح لي يايبه شيخٍ ينادونه : ( أبو تدمير )
مسك إيدي وجلّسني وخوفي تشتعل ناره

أشوف الناس قدامي عيونٍ خانها التعبير
وكلّن في رجا دوره يشوف اسمه على جداره

وانا يومي لمحت اسمك بعد اسمي بغيت اطير
نسيت الهم والضيقه نسيت الشيخ واصراره

وحسيت الفضا جنه عظيييمه تخذل التصوير
ولأني يايبه ll بنتك ll .. نفضت الهمّ وغباره