أشوف بعض الناس مني تهرّب - سعود سعد العتيبي

اشوف بعض الناس منى تهرّب
لا جيت بالمجلس على غير ميعاد

كن الوضع بيني و بينه مكهرب
لا شافني قام يتعذر للافراد

يقول ابمشى لجل وقتى مقرب
عندي دوام الصبح تعبان بزياد

مدرى علامه صار نهجه مغرب
مثل الذى يجفا و لاهوب وداد

كان الخطا مني عليهم تسرب
من غير قصد فالعذر جاه منقاد

وان كان به علم علينا مجرب
لا عاد يومن كان نحسبهم اجواد

مانى على طرد المقفين اطرب
ولا خبرت النفس للناس تنقاد

ما يحسَب المعقول مثل المخرب
ولا الذى مفتون بالهرج قصاد

هذا جوابى شاهد بكل مضرب
العذر منكم ياهل الجود وامجاد

© 2024 - موقع الشعر