لمدورين المطاليب

جاز الكلام بعاليات المراقيب
يالقاف اقلع واركنه فوق مرقاب

والا اقصره لمدورين المطاليب
اقراب ! لكن بالخفى صاروا اجناب

هو من متى يحسنبها جاحد الطيب ؟
لو هو يعد الحق من دونه حجاب

ياخي تلعم كيف ترد المشاريب!!
وحبل الرشا لا تفرطه دون الاصحاب

ان ماذكرت الطيب؟ لاتظهر العيب
اردى فعايلنا بكم تظهر اعجاب!!

لو كنت ابفتح واسعه بالمكاتيب
من كبرها تفتح على (روسكم) باب

ولاشك عندي مرهفات المحاديب
(مثل العواجي عنده عقاب وحجاب)

لكن ابستر مظهرين العذاريب
وشلي بهم؟ مادام ضني بهم خاب

عندي ذرى عن حاميات اللواهيب
(اربع سيوفن) مسندي وقت الانشاب

وحنا هلا الطولات واهل المواجيب
(عمدان بيتن ثبت الطيب باطناب)

هذا كتابك صافطه داخل الجيب
فوتها لك بس .. لا تأمن الداب

انتم طمان القاع وحنا المراقيب
مع السلامه دام قافي بكم شاب