حاضر يابو مضحي بكل المطاليب - خليف الوهيداني

حاضر يابو مضحي بكل المطاليب
حاضر ولو تطلب من الشعر ديوان

يابن الرجال مكرمين الاصاحيب
اللي لهم بالمجد والعز عنوان

حرب اهل الفزعه كعام الاجانيب
ستر الدخيل اللي يدور لمزبان

صديقهم يارد لعذب المشاريب
وعدوهم يمسي من الفعل ندمان

والشعر أحبه حب مافيه تكذيب
ماحبت(ن)من قلب وشعور ولسان

حب النشاما للبني الخراعيب
اللي على وضح النقى صدق ويمان

ولو اني خطي نوب بالشعر وصيب
رفيق نفسي عن هواجيس وحزان

بعدي الذي مافيه شك(ن)والاريب
الواحد اللي ضامنن رزق الانسان

وفي خوتك يامنبع العز والطيب
نفخر بها ياحمد مدى كل لازمان

© 2024 - موقع الشعر