حاضر يابو مضحي بكل المطاليب
حاضر ولو تطلب من الشعر ديوان
يابن الرجال مكرمين الاصاحيب
اللي لهم بالمجد والعز عنوان
حرب اهل الفزعه كعام الاجانيب
ستر الدخيل اللي يدور لمزبان
صديقهم يارد لعذب المشاريب
وعدوهم يمسي من الفعل ندمان
والشعر أحبه حب مافيه تكذيب
ماحبت(ن)من قلب وشعور ولسان
حب النشاما للبني الخراعيب
اللي على وضح النقى صدق ويمان
ولو اني خطي نوب بالشعر وصيب
رفيق نفسي عن هواجيس وحزان
بعدي الذي مافيه شك(ن)والاريب
الواحد اللي ضامنن رزق الانسان
وفي خوتك يامنبع العز والطيب
نفخر بها ياحمد مدى كل لازمان

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين