يابو خلف يالعضيد بكل الاحوالي
انت الذي الازتحم ضيقي تناصيته
ياطيب الذكر والسمعه والافعالي
انت الذي بالمراجل شاهرن صيته
جهزلي الموتر اللي يشرح البالي
ويطو المسافه لمن الليل سريته
جهزلي الجيب يومه جاك مرسالي
وقت الاجازه والاداومت رديته
ولو ماهو من مال زحل شيوخ ورجالي
والله مشفق عليه ولا تمنيته
من مال من بالشدايد ماحسب مالي
ياتيك في فزعته لو انت ماجيته
فارس مراجل وللفزعات خيالي
وطيبه لو اطيب ماباطيب جازيته
له بالشجاعه وله بالطيب منزالي
ولا هو من اللي ليا ضاقت تعديته
حر(ن)له في جبال طويق مدهالي
يعجبك فعله وصيده كان هديته
سندك بالفعل والهده والاقوالي
وضرك ليا صرت له خصم وتحديته
مكرم الظيف والجيران بالغالي
ان جيت في معرضه وان جيت في بيته

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين