الله يستر عليك بكل الاحوالي - خليف الوهيداني

غالي ماتطلبه رخيص يالغالي
حاضر بماتطلبه لوهو يكلفني

ومادام ماطلبك مني بس الامثالي
اسمع مثايل جديده فيك وسمعني

غلاك عندي تزول جبال مازالي
ولوغبت ماغبت عني الاتفقدني

وتفداك روحي قبل ياصاحبي مالي
يامدور رضاي بالدنيا ومسعدني

وياشارح(ن)بالفعول الصدر والبالي
وياللي بالاطباع والافعال تعجبني

ياطيب الساس والعشره والفعالي
وياللي على الطيبه بالفعل سابقني

الله يستر عليك بكل الاحوالي
ويبعدك عن شر خلف الله ويبعدني

© 2024 - موقع الشعر