الشمس تشرق ترجع الشمس وتغيب
والعمر يمضي كل يومٍ معاها
والطفل يكبر يكثر براسه الشيب
ولابد مايومٍ يودع سماها
دنيا دنيه لو رقت بك مراقيب
تقلب عليك وينكشف لك خفاها
خلك على الدنيا قليل المطاليب
وأحذر تشدك لحظةٍ في هواها
وأعلم ترى الدنيا هموم وعراقيب
لا لاتغرك لو تبيّّن حلاها
وأحذر تماشي من يوردك للعيب
راعي العلوم اللي رديٍ نباها
وأحرص على خوة هل الدين والطيب
اللي بذكر الله كثيرٍ حكاها
أهل العلوم الغانمه والمواجيب
اللي على المسجد سريعٍ خطاها
لاجيتهم تلقى كثير التراحيب
على الشرف والطيب مجمع لحاها
تفخر بهم من دون شكٍ ولاريب
هم الهوى للروح وإيضاً مناها
وختامها يالله ياعالم الغيب
ياخالقٍ لنا السماء مع ثراها
تلطف بروحي يوم كشف المكاتيب
ساعة تبّين طيبها من رداها

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين