باتل

لـ ، ، في غير مُحدد

يعن الطيب في روس النشاما والرجال رجال هل المعروف واهل الطيب بالافعال مخبوره 
 هل الخوه رجال العز والمبدا هل الافعال 
 سلام الله على ربعي عسا الاحوال مسروره 
 انا لي صاحبن بين المعايا للعرب مدهال 
 اخوي الي ليا صك الزمن واحتد طابوره 
 الا ياباتل منوخ عساك بخير وطيب فال 
 الا يالله عسا سنينك معا الايام معموره 
 فلا مثلك على الفزعه يشد رشاه فوق حبال 
 تمد الطيب ماتنكس لو ان النفس معذوره 
 واذا به ذيب يقنب دون لينه جاوبه بالحال 
 صميم القلب ولع لك محاطيبه ودافوره 
 فداك الاش والخايب فداك اهل الردا الانذال
 تلد العين لي دايم عيونك بي مخفوره 
 لانك طيب المجنا وساسك ياعريب الخال 
 من بيوتن لها بالطيب ماضي ما انتهاء دوره 
 فابوك الي بكت كل المعايا ساعة الترحال 
 عسى قبره فيافي روضن اخضر مطلع زهوره 
 الا يالله عساه بجنة الفردوس له منزال 
 وعسى عمرك ياخو بتلا يطول وتمحل شروره 
 خويي صادق النيه على جالي بناله جال 
 نقل همي قبل لاانخاه ثنا ساقه وميسوره
 عساك بخير ياباتل تقبلها على الجوال
 تحياتي وكل الود وانا في دار اخو نوره

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين