الا الكرامه !

لـ ، ، في غير مُحدد، آخر تحديث :

ارجوك مابي يالغلا نعقد آمال
 ولابي طريقن للتعب والندامه
 يا اغلا الغلا ليل الشقاء مابعد طال
 وهذي احتياطات الحذر والسلامه
 ياللي هدب عينيك مجرم وقتّال
 من شافها صايم يبطل صيامه
 ارخ اللثام وتالي العنق سلسال
 دلا يتهايق لمعته حول شامه
 من تحت نحرك صحصح البال فنجال
 هيبة مدارع بالوغى للجهامه
 وتدري وشلي عذب الروح والحال؟؟
 لأقفيت في ردف(ن) مبين زمامه
 العن ابومجناك ماحولي ظلال
 عرضتني درب الخطر والعدامه
 ماتدري ان حولي من الخلق عذال؟
 لاتشمت الحساد واهل الملامه
 اعرف طبوعك والهجر تو لازال
 من العام حبك ناصب(ن) لي علامه
 ذليت شخص(ن) لارتجف ثار زلزال
 وادميت جرح ساطي في عظامه
 وعوقت ساقي ليه؟ تختلي حبال؟
 وارخصتني والعين عافت منامه
 حطمتني بموادعك ضيم واذلال
 حب بنيته ليه تعلن هدامه
 كان القضيه مسألت (دمع رجال)؟؟
 خسرتها في قل وعي وفهامه
 ماتنحني لك هامةٍ فوقه عقال
 واخر قصيدي لاتفوت كلامه
 نر رجعتي لك صار يضربها امثال
 رجعت (كليب التغلبي) لليمامه
 كل شي يهون بحبنا ياهوى البال
 الا (الكرامه) لعنبوها .. (كرامه(

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين