ردي على قصيدة ابن فطيس (حال العرب) والمنتشره على كثيرمن المواقع.

لـ ، ، في غير مُحدد

المنسابة: ردي على قصيدةالشاعر/محمد بن فطيس والمنتشره على كثير من المواقع. الاوله لابن فطيس.

كلن على معمر يهج ركابه
يالله جعل مايصيبنااللي صابه
حاكم وكان أسمه يهزالعالم
واليوم بارو به جميع أصحايه
وحنا العرب نضحك ونرسل عنه
سوالفن بأسمه وهي كذابه
نضحك عليه وقصته حزينه
ماكن حنا مسلمين ولابه
لو واحدن منكم رئيس لدوله
وبنا وعمر يوم كانت غابه
هو بيتنحاأوبيطلع برا
ويروح من داره وريح ترابه
وحناالمواطن لا رحل من داره
من شوقه أتضيق عليه ثيابه
أبن علي شلوه عقبه حسني
واليوم لمعمر سعو طلابه
وقابوس مع بشارواليماني
وأبن خليفه نارهم شبابه
الله يستر ويش باقي بكره
ثوراتهم منهي لفت باأسبابه
الغرب للأسلام سواخطه
شبو لفتن والكل كشر نابه
يبغون خيرات العرب بأكملها
ويطرشون جنودهم سلابه
ماسدنااللي صار في الفلوجه
وخلوالعراق من المجازرغابه
النفط صدرعقبهم لمريكا
ماقيل ذا خير البلاد ولابه
ياأمة محمد تراها بلوا
لاتضحكون يصيبكم ماصابه
أبكوعلى حال العرب بأكملها
وأدعوعساربي يعز كتابه
ردي على ابن فطيس.
يالليّ تقول الكل يغرس نابه
في لحم ماتوقع عليه ذبابه
وتقول رجل وحاكم ٍواسطوره
واقول ياليت الرجال تشابه
كل ٍيعرف معمر القذافي
ممسوح وجهه لحيته وشنابه
ما بار به صاحب ولااحدٍ باقه
دايم يصيّح فالخلا وشعابه
من خلقته رجل ٍغريب اطواره
بفكاره وتصريفه وجلبابه
وشلون يبن فطيس قمت تكذب
كل العرب وتقول لا ماجابه
هذا كلامه ياوسيع الذمه
رفع بها الشاهد مع السبابه
انا سمعت يقول زنقه زنقه
وبيت وبيت وحرّكوا الدبابه
اطلق صواريخه على ابناء شعبه
هذا قتيل وذاك به كم صابه
ومنكم صحافي ٍوخلد ذكرى
ياهل قطر يومه فزع لحبابه
بذكر ابن فطيس كنه ناسي
الجابر ولدميكم طلابه
ومع الزعيم ابن البطل عبد الله
موقف بشرم الشيخ شرقي طابه
وانته تقول إنا عليه ونضحك
نضحك عليه وكلنا نغتابه
ولو واحد ٍمنا حكم ببلاده
والبيت ما عزه وعز طنابه
اكيد بين الناس يصبح ضحكه
ولا عاد له قيمه ولااحد يهابه
ويستاهل الليّ يآصله يالمري
من العرب ولا من الاجنابه
والحاكم ليا قام يظلم شعبه
ويذله ويقفل عليهم بابه
هذا مصيره ربنا يرسل له
من البلا شي ٍماهو بحسابه
ولا تضرب الامثال هذا وهذا
ابن علي وحسني ثنين اقرابه
في طبعهم واسلوبهم والمبدأ
وشعوبهم عني ترد الجابه
والباقي الليّ منهم وما قلته
على الشعوب اليوم صاروا ذيابه
غصب الشعوب تثور ظلم وقله
ماهو من الغرب ولاهي عصابه
من الفقر ومن الجوع ومن الحاجه
وطيوا الخطر والضلع داسوا دابه
وانته تجي وتحاول تقنعنا
انه مخطط اجنبي وماشابه
فكر بهالفكره وعيد النظره
من قبل لا تقول البلد وارهابه
وان كان لك مصلوح فيما قلته
طرقي مع الطرقه يشيل زهابه
وان كان ما تدري وش الليّ تقوله
لا وا خسارة سيفنا وانصابه

حقوق النشر محفوظة لـشاعر

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2004 - 2019 - موقع الشعر