عيون الريم (( ..(( قحة الريم.....!

صبحك قصيده من حلاها تشهّد
نبض الخفوق اللي يضمّك حنانه

مستبشرٍ بالخير في نظرة الغد
يلمس طهور الحب في كلّ خانه

فيها المشاعر كالسعاير توقّد
نارٍ تزيد الشوق والشوق صانه

ارسم ملامح صورتك عينْ مع خد
وارحل مع الأبعاد والقى هنانه

عاشق عيون الريم والريم تشهد
في ظامري حبه رفيعٍ مكانه

فكري يهوجس به وعقلي يردّد
حارم أصد الريم لو هو رمانه

إحساس صادق له جذبني ْتْقيّد
حبه سباني والغرام احتوانه

وصله كما الامزان في حال منهد
بُعده جروح الجوف تسهر عشانه

إليا اضحكت همّي تلاشى وتبدّد
وليا ازعلت وقتي يشين بزمانه

بانفاسها مسكٍ له القاف أنشد
حتى بقحّتّها أحسّ بليانه

قلبي لها منزال والعينْ مقعد
وليا غفت بالعين رمشي تدانه

من خافقي للعين بالدمّ تصعد
وليا مشت من كيف كلها ميانه

الريم واللي عاشق الريم يسعد
وانا السّعيد اللي غمرني حنانه

صبحك قصيده والقصايد كما عد
من منبعه يا ما شربنا و روانه