عاشق الريم

يا لايم عاشق الريم المعنا
عساك تدور بك دنيا الدواير

تشوف اضعاف ماشفناه حنا
بحب اللي بعهد الحب باير

يسومك بالعذاب ولا يحنا
يصلي شرق بك وانته تناظر

و تلقى من يلومك ويتجنا
بسبك بين خلق الله ساير

دروب العشق ماشيها يجنا
سوا جاهل أو أستاذ محاضر

صويب الحب ما ليله تهنا
بنوم الليل لين الصبح ساهر

يراقب نجمة الصبح و يونا
كما المكسور في بيض الجباير

ويزعج بآه و الاخرى تكنا
وكن الآه يشعل به سعاير

تقول الراس به عفريت جنا
وكن الصدر به ستين حاشر

بدرب العشق سرنا غصب عنا
ومكسبنا تعب قلب و حساير

خذ العبره وفصل القول منا
ياخايض موج بحر الحب خاسر