هجينيه

يالله يارب يالرحمن
ياخالق الناس من طيني

تفرج هموم لنا واحزان
منها غدا القلب نصفيني

يطول ليلي وانا سهران
والنوم ماذاقته عيني

والدمع مني على الأوجان
جرى وعلم بخديني

كله سبب جادل ال....ان
شيخة جميع المزاييني

الوجه زاهي يشع الوان
وعيونها عيون شاهيني

والسن حبة ثمر رمان
يزهاه صغر الشفاتيني

جبينها ياقمر شعبان
والخشم سيف السلاطيني

والنهد مطلع ودوبه بان
والوسط ضيق ويغريني

وردت انا عدها ضميان
وصدرت والزين مرويني

سبعة سنين بلا نقصان
والثامنه عاد جافيني

من بيننا صكك البيبان
وسلط علي الوراعيني

ماني بخايف ولا جزعان
ولي عزوة بالمياديني

لكن مانبتغي من شان
ولا نرتضي طرد مقفيني

والورع كانه من الشجعان
يجي وانا الدرب واطيني

يشوف الافعال بالايمان
ماهوب هرج و سباحيني

أو يبلع العافيه باحسان
وكلن بدربه يالاثنيني

هذا الهوى طارده خسران
يذهب رجال ثقيليني