للإمير / نواف بن فواز الشعلان

لـ ، ، بواسطة عشيان بن سليمان، في غير مُحدد

المنسابة: قصيدة مهداه للإمير / نواف بن فواز الشعلان شيخ شمل عشائر قبيلة الروله وضنا مسلم وهذا مما قال الشاعر

يامرحبا بنواف ومرافقينه
الشيخ اللي مجلسه يغني الكوم
قدره كبير وعندنا حافظينه
ما ينوصف اكبر من جبال زلوم
الشيخ ابو فواز ياجاهلينه
شيخ للعليا مع ضنا مسلم عموم
نجم شهر فوق النجوم المبينه
نجم تعلى بالكواكب على النجوم
شيخ ولد شيخ علومه سمينه
ما شيخته كشخات وبشوت وهدوم
تاريخ جد وقايد ٍ للسفينه
ومن الشيابه مزبنت كل مضيوم
نسل الاسد اللي تربى بعرينه
فواز بالفردوس عساه مرحوم
واخونه اللي بالوازم يمينه
الكل منهم له معزه ومحشوم
اشيوخنا اهل العقول الرزينه
ما يقبلون الميل والحق مهظوم
ياريخهم معروف ومدونينه
يوم القبايل بين هازم ومهزوم
من فوق شهب يشهبن الشنينه
عدوهم مايهتني لذة النوم
ياقالوا الشعلان يا اهل الضعينه
خيالهم شرة على ريس القوم
قريبهم عن الخطأ حاشمينه
يلقى الكرامه قبل تبداله علوم
ياما جمعو مضنون ٍ عين بضنينه
وياما وصلوا حي عن الحي محروم
ويما فتحوا باب وفكو سجينه
وياما جابوا واحد كان مجروم
وهالحين كل الناس بإمن وسكينه
الفضل لله ثم لحكامنا عموم
حكامنا حماة الحرم والمدينه
الله يثبتهم لنا دايم الدوم
حد رايتهم والعلم رافعينه
ومن جنب الواقع له السيف مسموم
نشرح جزيل القاف لمحللينه
والسنع واظح للفهيمين مفهوم
ماقل دل وزبدة الهرج زينه
ولا هنا اللي عن الخطا صار معصوم
حسناك ياللي كلنا مرتجينه
الواحد اللي يفرض الحج والصوم
وصلوا على المختار ياسامعينه
على الرسو مناصر ٍ كل مضيوم
_______________
عشيان بن سليمان

حقوق النشر محفوظة لـشاعر

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2004 - 2019 - موقع الشعر