للإمير فيصل بن فواز الشعلان

سميت باسم اللي المخاليق يرجونه
اللي خلق كونه به الهول وعجابي

فردِِ صمد كل الاوادم يخافونه
الواحد المعبود هو خير توابي

بعد الولي فكري تهيض بمخزونه
الفكر يملي والقلم يلعب العابي

اقولها بدون شكٍ ولارهونه
الفاً هلا بفيصل بلا عد وحسابي

تحيةٍ من قلب بالود مقرونه
يامرحبا اعداد ماهل سحابي

ياشيخنا يوم الخفي باح مكنونه
ما ضاع حقٍ دام قافيه طلابي

يا عاد ملك الجد ما نحتني دونه
بالله وش عذرنا عند الاجنابي

اديارنا كل القبايل يخبرونه
ياما غدا بترابها عكف الاشنابي

البنت اللي من الغنادير مزيونه
اما تخطبها ولا تعطيها الاقرابي

كلٍ على حقه حريص بلا مهونه
من هاب طبات الملاعيب مايهاب

الحمد لله حقوقنا اليوم مضمونه
في ظل حكمٍ ما حكمنا بلحزابي

دستوره القران والشرع قانونه
سنة رسول الله على الحق كتابي

سيفٍ على العدوان لضد مسنونه
للجار غيث ومن تنصاه ماخابي

كلمة وفاء نقولها اليوم مازونه
من خاطر عشيان والحق غلابي

واسمحلنا ون نقص شين وتوفونه
هرجٍ وبلا برهان معناه ماصابي

وصلاة ربي عد ماهلت مزونه
تمت وصلينا على سيد الاصحابي

___________شعر/عشيان سليمان الرويلي