مبايعة الملك فهد آل سعود رحمه الله

بزين المثايل من ضميري شعرنا
بديت باسم المعتلي بتعبيره

حضرت فكري من بعد مافطرنا
بذن العليم اللي وسيع ً نظيره

نكتب حروف ً من ضميري اخترنا
حروفا ً أجزالا والمعاني كبيره

يافهد انت الفهد يافخرنا
انت العوض بخوك واصل مسيره

عقب التحزن بالافراح أنغمرنا
بك يالفهد عساك لنا ذخيره

بعد ظلام الليل شرق قمرنا
يانورنا بظلمات عمى البصيره

انت الملك يا ابن الملك ياسطرنا
يامحلل القالات لوهي عسيره

حكمك رفع روسنا وستترنا
يامالك ً كل العرب تستشيره

عاهدك بالله مجتمعنا وبشرنا
من حد الاردن لليمن للجزيره

والله شهيدا ً ما خفينا جهرنا
في حكمكم نرضاه مانريد غيره

اصحاب المعالي وومشايخ اهجرنا
توافدة للبيع من كل ديره

بعنا وعاهدنا للملك وزدهرنا
بفضل ربي عالم ٍ بالسريره

مصغين لإمره ولادعانا وومرنا
متجهزين بالرخاء والعسيره

وان امر القائد وعنده حضرنا
نجعل على العدوان يوم ٍ كسيره

في الرجاء وأمالنا ماخسرنا
ولي العهد افعاله اجزال ٍ مثيره

عبدالله المحبوب حافظ دشرنا
عن الخطأ والسوء الله يجيره

ياعزنا ياغيثنا عن دهرنا
ميزاننا بالحق خير البريره

ياظلنا ياريفنا يامطرنا
تفكنا من حميات النجيره

ينام اليا نمنا ويسهر سهرنا
والكل بلا حسان ينول خيره

وسلطان درع ٍ بالقاء عن خطرنا
يحمي الوطن عن كل يد شريره

قواتنا بالجو وبر بحرنا
متدربين على سلاح وذخيره

وان كان العدو الغدار نو يغدرنا
له عندنا بالحرب نارا سعيره

وان اعلنوا بالتعبيه ما اعتذرنا
جيش ٍوشعب ٍ ضد قوم ٍ مغيره

والكل بالقوات عنده خبرنا
يوم الملاقا بسيوف ٍ الشطيره

عند الحرم والين نرخص اعمرنا
والوقت يطول والمنايا قصيره

بالسنه السمحه ربي نصرنا
يامعيش ٍ فروخ ٍ في عشاشه صغيره

ونايف وزير ٍ هو سناده ظهرنا
كل العمل بالداخليه يديره

عن الجهل والظلم نايف سفرنا
حلال قالات ٍ عقدها كثيره

يتعب على أمن البلد في ديرنا
في منهج القرآن حقق مصيره

وسعود محور قوسنا الي اجتبرنا
سعود الفيصل سعد منهو وزيره

كل الدول تؤيد لوجهة نظرنا
يدير افكار ً بالسياسه خبيره

وختامها على الولي ون ذكرنا
جزل العطايا بالحسان الكبيره

وصلوا على المختار خير بشرنا
اعداد مااهل المطار الغزيره

رعى الرساله بالشريعه انذرنا
في سنة الله قايد ٍ للمسيره

وهذا وتم القول با اخر خبرنا
وتقبلوا التقدير من ابو الاميره