الجوف ترحبك

سميت بسم الله مبدى الاجابه
خلاقنا المعبود رب البريه

ترحيبتا ً عن اميرنا بالنيابه
وعن سكان المنطقه والسميه

جانا الوزير وقلنا يامرحبابه
تحية الاسلام احسن تحيه

عداد ماهل المطر من سحابه
من مزنتا ً هلة مطرها برديه

ياابو محمد اللي عزيز ٍ جنابه
بزيارته تحسب علينا هديه

الجوف ترحبك شوامخ هضابه
الف هلابك بالبلاد العذيه

يالقرم يااللي عينوك الذيابه
اهل الفخر والطيب واهل الحميه

فهد ملكنا الشعب كله رضابه
حلال صعبات العقود القويه

مثل الحليب اللي لذيذ شرابه
واحلا من طعم العسل بالخليه

كل الوطن شيابها مع شبابه
الشعب عنده كلهم بالسويه

ولي عهدنا عز من اللتجا به
عبدالله المحبوب جزل العطيه

وسلطان حرا ً والمعادى يهابه
من عانده بالكود زار المنيه

حكم ً حكم بالشرع نهج الصحابه
اللي خلوها سنت محمديه

يوم ً صفا جوها عن ضبابه
المملكه صارت هنوف ً صبيه

واللي نوى المملكة من عذابه
عن الحسود اللي بغاها محميه

هذا وطنا ودمنا من ترابه
دون الوطن نصير مثل الحنيه

وعلى النبي صليت باخر خطابه
الله يهدينا كل صبح ومسيه

شعر __عشيان بن سليمان