القلب كله طعون!!

ياجرح ياإللي عليك العام متحامل
يمَكن عشانك من الغالي تحملتكْ

تعال ياجرح قلبي ماهو إيجامل
كمّل على ما بقى واترَك مجاملتكْ

هذي سنه وانت ياجرح الشقى صامل
على نزيف الموااجع وإن تذكرتكْ

اليوم لاوالله إلا ناقصٍ كامل
ناقص غياب الحبيب وكاملٍ وقتكْ

الصاحب اللي عليه الدمع متهامل
ياما يدينه بأرق احساس ضمدتكْ

إيعاملك من حنانه واجَمل أمعامل
لو كنت تقسى ولاتحَسن معاملتكْ

القلب كله طعون وبالغلا شامل
شاملَك ياإللي ثمان سنين به شلتكْ

وانته وهمي بوسطه صرت متزامل
تشرب غلا والمشاعر عشْق شاربتكْ

لكنَّك اقفت بك الايام بالكامل
ماشفت من يحتوونك وانت ماشفتكْ

مغْرَمك لازال بوصال الهوى يأمل
وإن مات ذنبه تراه اليوم برقبتك