بعد طول الغياب اللي تعدى له سنه واشهور
حبست انفاس صدري صبر مير الصبر مااطيقه

ولكنّي تنهدت القصيد وظنتي معذور
بعد قلبي تقطّع ياغلاته من معاليقه

تذكرتك وانا صدري حزين وخاطري مكسور
احاول ترجمت شعري وشعري ناشفٍ ريقه

ذبل ورد الغرام اللي على درب االوصل منثور
وصار الشوك في دربي بتغريبه وتشريقه

اسوق الرجل مع ذاك الطريق المبطي المهجور
واعيد الذكريات اللي تزيد القلب تشويقه

وزاد الشوق فيه وبيّح الظاهر مع المستور
ولكنّه يكن اغلى العهد واقوى مواثيقه

تعاهدنا على حب النزاهه لو بقى محظور
نحْفظ علوم سد سلوم والشعر وطواريقه

ولا يومٍ مشينا فالظلام ،،الا.. نحب النور
تركنا هالظلام اللي بلا نور إل..عشاشيقه

لوانك ياالغياب الصعب هد احوال،، ضيق ،،اصدور
ونوم العين اعدك ياالغياب اقوى سواريقه

لك الله ياغيابه دارنا في غيبته ممطور
ويزهاه الربيع اللي تمايل به زماليقه

وانا في ناظري ممحل وكنه له سنه مدهور
آناظر له بنظرة عاشقٍ يزفر من الضيقه

تذّكر ماتّذكر والغياب الشين ماله سور
سوات الموت مابينه وبين الموت تفريقه

والا يادار جيتك شاعراً ماكّن فيه اشعور
رفعت الصووت وووينه ماإحْد جاوب من مخاليقه

والاياالله عساه بخير جعله فالزمن مسرور
وانا عادي بشيل من العذاب وكل مااطيقه!

وبعد هذا الغياب اللي تعدى له سنه واشهور
وقف شعري على درب الوصاال وناشفٍ ريقه!!


تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر