البُعد ياصاحبي جبّار ومهوّل - مازن العوني

الشوق طوّل ياقْو الشوق لاطوّل
في رحلةً زاد شوقي من بدايتها

أمنول اقول انا صبّار ومنوّل
واليوم ابصّم على العشره وراحتها

ماني على البُعد جيّد عزم ومخوّل
اشرب همومي شقاوه وآتقوتها

واضغط على النفس وامسك طبعي الاوّل
والشوق شر النفوس وكل علتها

البُعد ياصاحبي جبّار ومهوّل
والنفس وشلون تاخْذ فوق طاقتها

من غير حبً تصوّل وسطي وجوّل
وغطّى جميع المشاعر مع مساحتها

اي والله احبك وحبي لك مطوّل
وانته مغْن القصايد وانت راحتها

غلاك متسلسلٍ عندي ومتئوّل
وافكاري الشرد همسة صوت سرتها

طيفك ماهو طيف ياابْن الناس متحوّل..
بركان ناراً هبوب النود شبتها

هذا كلام الحقيقه ماهو مقوّل
خلج المشاعر عليك اتدق ساعتها

كلي من الشوق شوق وكيف لاطوّل
في رحلةً زاد شوقي من بدايتها

© 2024 - موقع الشعر