الأم

لبيه لبيه يا اغلا كل حياني
يا كلمة ما اتريح لين اكررها

يا من غلاها تملك كل وجداني
ازعل جميع البشر من شان خاطرها

يفداك يايمه الاقصى مع الداني
ويفداك ماضي هل الدنيا وحاضرها

لو جيت ابعد فضلك يعجز لساني
افضالك اللي علي مانيب حاصرها

ياما سهرتي طوال الليل من شاني
وياما عيونك علي هلت عبايرها

تتعب وتحزن ليا من صرت مرضاني
واللي يكدر على حالي يكدرها

الام من حقها تامر وتنهاني
وانا مطيع لها واخضع لاوامرها

والله لو شلتها من فوق الامتاني
مالي فضل لو احججها واعمرها

والله يجزاك يايمه بالاحساني
ويكتب لك الاجر بالدنيا وباخرها