أزعجت جل المفاهيم في فكري . ف/تاه
ابتدتني بالنهايه و جابت منتهاي
قبلها ما كان تحكمني ظروف الحياه
لين ردتني عن الما و هي تعرف ظماي
قبلها يا كل محزون يشغلني بكاه
و أحسب أصحاب التباريح يشغلهم بكاي
كنت أحسب الي على الدرب ياصل منتهاه
و كنت أقول الدرب قدام و الدنيا و راي
كنت أقول انه ليا جمع الهم أخوياه
و الله اني لا اتلقاه بصدور أخوياي
وش بقى ما كنت أقوله و لا جابت خطاه
و الله انه من خطايه عرفتك يا خطاي
كيف أبا امد المسيره.. على غير إتجاه
و ليه تكسير أمنياتي بيد غاية مناي
ليتها قدام تكشف عن الواقع غطاه
علمتني كيف أسامح ظنوني عن رضاي
و ليتها يوم اكشفت لي من الواقع رداه
ما توارت عن وجودي و هي شمعة مساي
بعدها و البوح بالصدر ترجيعة صداه
وينه الي يحتويني و يفهم محتواي
يا ظلام ٍ لفني لف و اخذني مداه
يستبيح النور فيني , , و يستجدي عطاي
انتصارات القلم. و الألم ما أنكر عطاه
لو عزفني لحن غربه على تقسيم ناي
الحنين اثبات للذات رغم أنف الهواه
و التعب فوق المسافات يستنهظ قواي
يا هواها خذ لها من حياتي ما تراه
و إحمل ( أشواقي و عتبي ) , و عود لي براي
يا هواها هاك فيصل.. و حلق في سماه
و يا قديمات المفاهيم حلي عن سماي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.