ما كل من يقرا قصيده معه ناي - حنان آل فاضل

هذاالكلام ونبرة الصوت وحكاه؟
وهذا الطريق اللي بنيته لمعناي

احترت بين الناس والحظ ورداه
واحترت في بعضي إذا حب فرقاي

كني بروحي.. تشتكيني لمبغاه
وانا التي إن جيتها جاد مغناي

الحين يعني صرت للطعن مخباه
صار الدخيل وطاح في غبة اشْواي

اشلون أتف الريق واطعنه واجفاه
وارجع أدور بلّته وسط ذكراي

الله يا عدلي اذا جارما أقساه
ينسج خيوطه بين آهي ورجواي

يصدر قرارٍ غصب يلزمني أقراه
مجبور قلبٍ حس في طعنته راي

حسبي من الأفعال يا خلق فحواه
فعلٍ يفوح بطيب لو جاه شراي

زيف الوفا مشبوه.. والغدر ما اقواه
والطيب عزٍ ساريٍ عوده حذاي

هذا الكلام ونبرة الصوت وخطاه
وهذي حقيقه تمتطي ألف وشاي

الفرق شاسع بين ليلي.. وليلاه
وما كل من يقرا قصيده معه ناي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر