سؤالي للزمن..؟! - حنان آل فاضل

سؤالي للزمن من هو يحيك الأآآه بثيابي
اذا كان البكى ضيّع بقايا الخيط بيدينه

تلعثم جرح ٍ بصدري حزين بكثرة أتعابي
عظيمه صرختي تشهق يعانق موتها بعينه

ولا لي حيل أو قوه ألملم حفنة اترابي
وأنا بعضي فقد كلي وكلي ضاع بعضينه

طواني الضيم في كمه كتبني عمر يشقابي
نسى روحي وكفني وبيض اكفاني ادينه

ضماك الوقت واضميته وسيلك جف باهدابي
وكاس المرّ صبيته تبيني ارشف سنينه

تعال الصدر شقيته تفضل اخطف زهابي
تفضل.. داهمه قلبي تغلغل في شرايينه

او ارحم حالته مره وسّلم لجل تقرابي
حنين الشوق يوم انك تقول الجدب تروينه

وأنا لي دين في يدينك وتشهد راحة كتابي
وذاك الخط والمرسم شهيد ٍ بيني وبينه

وبآخر آخر اللحظه تعثر قلبه ابابي
وفاضت روح اهاتي تشهد بين ضلعينه

سؤالي للزمن من هو يحيك الأآآه بثيابي
اذا كان الغلا ضيّع بقايا الخيط بيدينه

© 2024 - موقع الشعر