فمان الله يالفيصل

فمان الله يا الفيصل فمان الحب والتقدير
فمان الصدق والطيبه يا أمير ٍ بالعطا وافي

فمان الله يا أمير ٍتغنى في غلاه الطير
وردد في سما أبها ألا يا نبعها الصافي

فمان الله مغبونه عجز عن وصفها التصوير
وهذا الشعر وحروفه يحس برعشة أطرافي

يمينٍ بالعطا تجزل سنين ولا حصل تقصير
كبير وصيتك الطيّب عبيره ماله أوصافي

رحلت ورايتك بيضا وكل أبها فْقَدْك.. كثير
غيابك عن ثراها الموت ولا توفي أبد قافي

يا حزنٍ بات في آبها على وجيه الأوادم غير
شوارعها.. شجرها والجبال ولونها الطافي

مثل ذاك اليتيم اللي يدور عطف شخص كبير
تشوف الدمعة ابعينه ويمشي بالقدم حافي

يحاول يكتم العبره ولا يدري وش اللّي يصير
سوى انه فاقد لفرحه تمنى حضنها الدافي

رحلت ومالنا حيله سوى ذكر الوفي بالخير
وندعي بالخفا لجلك ولا بنقول ابد كافي

فمان الله يا الفيصل عدد ما لحت بالتفكير
فمان الصدق والطيبه يا أمير ٍ بالعطا وافي