فمان الله يادرب(ن) على الهجر يتحراني...
خذاه الوقت من جنبي ولا جاني ولاجيته
قصيدي ياقصيدي اسكن ف قلبي طرف ثاني..
قبل يسكن بيوتي جنّه وتمسي عفاريته
تعال اسأل نجوم الليل ياهاجر من الهاني
وانا اعلمك بالوقت الطويل وكيف قضّيته
بغيت اقوى على بعدك وراح الصبر ما امداني
اهز الشوق وان طاح الوله بالحضن ضميته
ربيعي ياخريفي ياشتاي وصيفي الهاني
تراك انت الفصول وهجرة الشاعر وتشتيته
فضت كل الشوارع مالقيت اللي تريّاني
مثل طفل(ن) طلع يلعب وردّ ومالقى بيته
تحدّاني...تحدّاني...حبيبي لاتحدّاني
انا لولاك لحن الهجر والفرقا ماغنيته
تمنيتك وقلت ف خاطري ليته تمناني
وانا ماكل واحد شافته عيني تمنيته
على كيفك تذكرني..على كيفك تناساني
وانا طاريك ولا يوم في قلبي تناسيته
زرعتك ودة(ن) حمرا تزيّن كل بستاني
ودفنت القلب وتربة مشاعرنا وخليته
انا المجني عليه اللي يقدّر طعنة الجاني
لان الجرح يذكّرني بطاريّه لاحسيته
بواسطة العضو: فهد الخرجي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر