يقرا حروفي ويعتبرها هديه - احساس شاعرة

نزعل ونتكبر وحنا من الطين # والكل منا صد لا اقبل خويه
نفخر نقول انا على الصد قاوين # وهي علينا في الحقيقه قويه
نشفق على الطيبه وكسب الكريمين # وهذي بنا لاشك فعله رديه
ننسى نهايتنا وعلى وين ماشين # وننسى الزمان اللي جمعنا سويه
المشكله ماهي بحاجه لتخمين # ولا هي بعد ياناس صعبه القضيه
قله حنا لو يجي بيننا شين # ومانفترق دام المحبه نديه
هذي هي الدنيا من الحين لحين # لابد بين الناس تحصل خطيه
ومن لايقدر غلطة احبابه الحين # يقرأ حروفي ويعتبرها هديه
باكر تمر سنين وسنين وسنين # والكل يرحل في الدروب المديه
صدقني نندم واذكر حروفنا زين # تندم على خلك اذا غاب ضيه
دنيا غريبه واكثر الناس ماشين # وكم صاحب والله دفنته بيديه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر