الي حرق بيديه زهرة شبابي - عبدالرحمن آل عباط الزهراني

يآ رب لآ تحرم عيونه من النآر
الي حرق بيديه زهرة شبآبي

كل الذنوب تهون من بعد الأعذار
الاّ خيانة صاحبي في غيابي

لو للوفا في عين الآيام مقدار
مآ كان يمسح غلطته في ثيابي

و لو للكرامه وجه يفرق عن العار
ما يبتسم لآ شاف حضرة جنابي

جيته صويب الرآي لي علم وأخبآر
وآقفيت يوم أقفيت فآقد صوابي

روح بعقلي من سواياه تذكآر
وأنآسريت و كن غيري سرى بي

مآ همني لولآ عهوده و الأسرآر
الي عليها صك بآبه و بآبي

يآ كيف طآعت نفسه تبور لو بآر
و الاّ خفوقه كيف يقوى عذآبي

ضيعت عمري في رجآ عذب الآمطآر
وآثر الكدر بالكآس يملى شرآبي

كم لي وأنآ لآ قآلوا فلآن غدآر
قلت الحسد خلى عذولي حكى بي

آشك في نفسي ولآ يلحق الجآر
من هآجسي حتى بوآدر عتآبي

آمنت به فتنه و لعنه و مختار
حتى كفرت بضآمرآت المخآبي

هذآ و هو ينشر خفوقي بمنشآر
مآ خآف ربه يوم حبه سطى بي

و يطوف بي مره و يسعى بي مرار
وأنآ شقاي اليا تكرم ثوابي

يكفي رضاه و لو على خآطري جآر
دآمه وطن عآمر بلذة خرآبي

ليته نزع روحي بيمنآه وآختآر
موتي على غدره و حسرة شبآبي

ويله من الله يوم يُعرض على النآر
وايديه تشهد كيف خآنت غيآبي

© 2024 - موقع الشعر