الزعامه ماتبي غير الزعيم

ايه غني ياجماهير الزعيم
يوم الازرق شال درعه وانتصر

قلت درعه لن ماله به خصيم
ما انتظر لين النهايات !! اختصر

من يعاند موجك انا اشهد غشيم
ماعرف فعلك ولا عنده بصر

دايم(ن) عشاق لشباك الغريم
وكل مرمى تداعبه هز الخصر

نحترم كل نادي(ن) وقّف خصيم
اتحاد ومن شباب ومن نصر

لكن الدرع إيعرف اهله قديم
ماله الا انتا واكررها واصر

اضرب ارقام التزاوج ياعديم
واترك اللي من بقى يقصر قصر

انت همك شيلت الشي العظيم
وخل غيرك بس يجمع ويحصر

الزعامه ماتبي غير الزعيم
قلتها طال الزمن ولا قصر

ايه غني دام لك نادي كريم
وافرحي كنك على النيل بمصر