ماتبي مشعل؟

كيف بنسى وانت ما ظنك تهون
كيف بسلى وانت في عيني وحيد

دوك قلبي دوك روحي والعيون
دوك كلي من عروقي للوريد

من يحبك ما اظن انه يخون
ما يخونك غير مهبول(ن) بليد

كيف اعيش العمر دونك او بدون
حبك اللي حطني في كل قيد

يا بعد دنيا سحايب والمزون
يا عبير القلب يا فرحه بعيد

حالف انّي ما تبدلني ظنون
ولا تغيرني صدودك لو تزيد

غيب عني زيد في بعدك طعون
دامك اللي ما تبي مشعل وزيد

مارحمت اللي بحبك امغبون
كيف ترحم وانت قلبك من حديد

كيف ترحم من يمون و مايمون
حيث ذابت كل شمعه والجليد

وانت كنك مثل ماهم يذكرون
(بين ايديا واحس انك بعيد)