استبشـري يـادار بـقــدوم سـلــطـان - متعب الشمري

استبشري يادار بقدوم سلطان
من بعد غيبه جاء لنا بالسلامه

والفضل للي مالك الملك سبحان
اللي شفاء رمز الكرم والكرامه

أهني أهله كلهم هم والاخوان
ال السعود أهل الوفاء والشهامه

حكامنا لا ثار عجه ودخان
عدوهم ما أرتاح ليله ونامه

منهم أبو متعب ونايف وسلمان
ومعك يا أبو خالد يتم التحامه

انتم حماة الدين من كل عدوان
وانتم للأمة هيبته واحترامه

أطلب عسى الله يمهل بعمره أزمان
ويخليه عضيد صقر الزعامه

رمز الشجاعة والكرم راع الإيمان
درع الوطن سيفه رماحه سهامه

كم باتت عيونه على الشعب سهران
وكم ساعد اللي قاسي الوقت ضامه

وكم هلت كفوفه كما المزن هتان
وكم شايبٍ قدّره وأعلى مقامه

وكمٍ يتيمٍ ضمه بكل تحنان
وأشال عن وجهه ملامح ألامه

فضايله عمت على كل الأوطان
من شرقه وغربه جنوبه وشامه

مجرد اسمه بس يعمل لنا شان
وشوفه يعيد أفراحنا بابتسامه

مع رجعته سالت من المزن شعبان
وانزاحت عن الشمس ذيك ألغمامه

عنا الفرح وتشتت كل الأحزان
برجوع أبو خالد لنا بالسلامه

مناسبة القصيدة

بمناسبة رجوع سيدي ولي العهد// سلطان بن فهد الى ارض الوطن سالم
© 2024 - موقع الشعر