بالفين طقــــاق - متعب الشمري

الناقص اللي قام ينبح ورى ذيك
ودك صحيح انك تواساله طراق

اظهر قبل لاجيك وامسك علابيك
وانتفك لينك تقول واق وق واق

تكتب كلامن ماتميزه اياديك
وتنبح تقول انك على الثار تواق

بسباب شخصن جاب حكي لمعاليك
كذبه وصدقته وهي زيف وانفاق

اعرف من انت وعارف كل ماضيك
واللي حكالك مثلك انسان بواق

واحد نعم مثلك ومثك يماشيك
ثمن كلامك واحكم العقل لا راق

مالي علاقه فيك وش لي انا فيك
مار انتبه لاتحفر القبر بعماق

ماكل كلمه كاذبه من معاديك
ولا كل كلمه صادقه عند عشاق

والهرج ماقلته على شان اراضيك
حبيت اوضح وانت بالفين طقاق

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر