سبعة نعم برجال كل القعابيب - فواز فارس الدواي

بسم الله ابدي عالم السر والغيب
خير البدايه عن جميع الاسامي

عقبه ارتب طيب القاف ترتيب
بسلوبي بفكري بفن ونظامي

شاعر وبقصد في رجال المواجيب
اللي لهم شان وقدر واحترامي

سبعة نعم برجال كل القعابيب
بالفعل ولا في مجال الكلامي

اقعيد القعبوب ذيبٍ ولد ذيب
ومثل النداوي بالسما كان حامي

مشينا 9 كلبونا اقاريب
امن الكويت ومشينا بالظلامي

فردين والماني ولا بينهن جيب
باغين حايل رابطين الحزامي

فالح ابن باتل عطيب المضاريب
وفهد المويسه عزوتي بالزحامي

وسعد المحيشي راعي الجود والطيب
وعايض ابن ملهاب نسل الكرامي

وعيسى المويسه من خيار الاصاحيب
ومحمد النشرا رفيع المقامي

والنون احمد شوق كل الرعابيب
وبن صبح نادر وافين بالتمامي

جينا لحايل واكرمونا المعازيب
بمفطاحات مغرات الايدامي

ومن قبلها قعيد كثير التراحيب
شيخن يرحب بالهلا والسلامي

واجهنا بن سمره حصان الاطاليب
شيخن عزمنا كان بالهرج حامي

وعبدالله العجوين مابه عذاريب
منه تعذرنا علينا دوامي

وفوزي ابن مربح عريب المناسيب
لزم علينا وعذرنا كان سامي

ورجال من شمر تعداهم العيب
قلنا اعذرونا يالعقول الفهامي

ودعنا حايل قبل لا شمسها تغيب
وقت العصير ومشينا شرق شامي

باغين ربع مغثربين المشاريب
بالمجمعه ياجعل ماهي هدامي

فيها الربع اهل الكرم والمواجيب
( نشران ) ذباحة كبير السنامي

قالو لنا والله عليكم مطاليب
ومنهم نحشنا في طلاق وحرامي

وصلو على محمد عسى قولي مصيب
بمحمد المختار بختم ختامي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر