ليت الوصل ينباع وأشريه أنا كاش - ناصر عبيد الرشيدي

يقطع زمانٍ فيه فرقا المواليف
ليت الوصل ينباع وأشريه أنا كاش

وأرتاح من دنيا العنا والتكاليف
قربه دواء قلبٍ من الضيم ماعاش

البارحه طيف الغلا زارني ضيف
من عقب ماهو معزبٍ بأوسط الجاش

أقول له يامرحبا فيك ياطيف
هذا الحشا بيتك ولك عيني أفراش

الغالي اللي فاق كل التواصيف
نظرة عيونه تنعش الخاطر إنعاش

فيه الدلع خلقه ولاهوب تزييف
وفيه الحلا نورٍ على الكون وافلاش

يومه معي برد الشتاء ينقلب صيف
والصيف حره يرعش الخافق إرعاش

واليوم كيف يغيب ؟ مدري أنا كيف ؟
وأخاف لايروح إنتظاري على ماش

صحيح من قال : إحذر الوقت كالسيف
لأنه قطعني وقتي بالسيف وإنحاش

وخلاني عالفرقا كثير التحاسيف
وأقول ليت الوصل ينباع لي كاش

محدٍ تجي دنياه دايم على الكيف
يقولها قلبٍ من الضيم ماعاش

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر