حنـّـا بنجد اللي وساع ٍ نحاياه - زيد بن زايد العضياني العتيبي

بدّ يت ذكر الله على كل مجهاه
ذكره ربيع ٍ لي وقلبي يشوقه

يقولها من قال فالرجم مبداه
فأصفر عفيف موايق ٍ في وسوقه

ياراكب اللي يوم أحلّي حلاياه
علاه من دشنه خفيف معلوقه

قربه وهبّالي وشرفا ومدلاه
وعلاه خطو المنسمح مايعوقه

مربّع ٍ في نجد وإن طال مرعاه
يم الطرودي في عثاعث عروقه

وإليا بدا رجم ٍ والآخر تعد ّا ه
رو ّح يدّور يم الأسياح روقه

تقول ظربه فالمصاقيل بيداه
ضرب ابردي ّ ٍ والذواري تسوقه

دربه على الصّمان والدرب يقداه
جنّب عن الحزم الوعر مع طروقه

ملفاك ابن جبعان حاذور تنساه
باشر بخط ّ ٍ كاتبه لاتعوقه

قلّه كتابك ياأدغم الوجه قد جاه
وأودع صناديق الضماير حروقه

حنّا بنجد اللي وساع ٍ نحاياه
وأرزاقنا فوق النّضا مع فتوقه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر