اذبحت ذبح ٍ ماترقــّـع رفيـّه - زيد بن زايد العضياني العتيبي

ياسعود واذبحي من المحقنيه
ذبحة سليم أهل القرى للرحامين

مالوا علاهم فالمراح أدوميّه
قطّاعة ٍ يوم الملاقا متاقين

اذبحت ذبح ٍ ماترقّع رفيّه
ذبح ٍ خفا ياسعود من لابس الكين

راعي عيون ٍ يوم لد ّن فيّه
ماكنها الا عين حر الشياهين

والخد برّاق ٍ تفاهق رفيّه
من نوّ ليلي ٍ سرا فأول الحين

والردف شط ّ حوارة ٍ ساحليّه
غاد ٍ عليها مقطع الروز طرقين

ماأنساه كود أنسى فروض ٍ عليّه
ولا تجار الحظر تنسى الدكاكين

ليته عطاني حبة ٍ من شفيّه
قبل العمال وقبل رجح الموازين

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر