ياراكب ٍ هجن ٍ كبار المثاني

ياراكب ٍ هجن ٍ كبار المثاني
حراير ٍ في سنهن سدس وأنياب

مسراحهنّه من علو اثهلا ني
ومقيالهنّه في طرف رس واهضاب

ولاركبهنه خطاة الهداني
ركّابهنّ اللي مضّرا بالاوجاب

وليا لفن بأطراف واد المحاني
أمانة المامون هسّوا لشباب

دليلته نجر ٍ يجيله غناني
في ربعة ٍ يعتادها كل شرّاب

تلفي على كيف ٍ وتمر اللباني
ماجوبهم ماحسّبوا فيه بحساب

سلّم على من جيت قاصي وداني
ربعي ذوي ثعلي منزّحة الأجناب

إليا لفن ّ أجناب ولاعواني
مايذبحون الا ّ كبيرات الأذناب