مدري على وين ..!!

يا عين .. ماهذي ملامح وداعي ...!
و لا كنت أحسب أنّك على الجفن تقسين

تريّثي .. ماكان للدمع داعي ...!
و تدرين أني ناوي أرحل من سنين

في هالزمن .. ما أقدر أقاوم صراعي
و أنا .. معي .. ضدّي .. و ضدّي ملايين

سفينة الأحزان ..... شدّة شراعي ..
و أبحرت أنا من دونهم .. مدري ل وين

راحل ولا أدري وين راحل .. و ساعي
بس الوكاد أن وجهتي عنهم .. دين

أنا وجودي بينهم .. هو ضياعي
أنا ضياعي عنهم .. يبري العين

يا عين .. في دربي دواب و أفاعي
و الناس .. ماخلّت من الناس غالين

ما المشكلة إذا فشلت .. بذراعي
ولا المشكلة .. إذا بقالي معادين

المشكلة .. لا أحتجت لإنسان واعي
و كل البشر قدام وجهي .. مجانين

و الحين .. ما للدمع يا عين داعي
رااحل و راحل بس مدري على وييييين ..!!