صياح الديك

و يقعدّني صياح الديك ..
و أتريّق .. حزن .. و إحساس !
و أتلحّف مكانٍ كان فيه الناس ..
كان فيه أنفاس ..
و أنا أتنفّس معاهم .. لكن لحالي ..!
و أناديلك .. يقولوا الناس :
( شوفي .. هذا .. ايناديك ) ..!
و تلتفتي .. و أسمع كلمتك من يوم ماقلتي ( أنا مالي ) ..!
و أتذكّر قصيدة للفهد .. عافت ..!!
كأن الشمس في هذا الصباح إشعاعاها خافِت ..!
ولا خافت يدينك تسرق آمالي ..!
و ذي يديك ..!
مكانه .. في مكان المخبأ الفوقي .. من ثيابي ..
دخلتي الحٌب ..
سرقتي القلب ..
بقى فيني أثر يدّيك .. و بعض الدمّ ..
و بقايا دموع و أهدابي ..!
 
و يمرّ اليوم .. و أنسى ..
و يقعدّني صياح الديك من بكرى ..
و عليك أقسى ..!!