مدري على وين !!!

مدري على وين تاخذني خُطا رجلي
من امس الأول وانا من ديرة ل ديره

مجهول حظي و خط السير متغلي
لا هو عفاني ،، ولا هو يسّر السيره

يستثقل يبوح عن وجهة هدف جهلي
مستمتع اتبع خيال يزيدني حيره

يا قدرة الله ، اشوف إلهامي المبلي
فاقد براعات كانت ضمن تحريره

ما كان يجهل مسار و دوم متعلي
يستنتج غموض من يحضى بتقديره

ولا كان فاقد وضوح الصورة بظلي
والحين شتت خيالي من تصاويره

يا هيبة الوقت وين احساسي الأصلي
من قبل اناجيه يستفتح رضى غيره

ويعارض اشياء فيها جزء من كلّي
هو عدل ؟! وإلا زمانه ساق له خيره