مدري على وين !!! - محمد آل وافي

مدري على وين تاخذني خُطا رجلي
من امس الأول وانا من ديرة ل ديره

مجهول حظي و خط السير متغلي
لا هو عفاني ،، ولا هو يسّر السيره

يستثقل يبوح عن وجهة هدف جهلي
مستمتع اتبع خيال يزيدني حيره

يا قدرة الله ، اشوف إلهامي المبلي
فاقد براعات كانت ضمن تحريره

ما كان يجهل مسار و دوم متعلي
يستنتج غموض من يحضى بتقديره

ولا كان فاقد وضوح الصورة بظلي
والحين شتت خيالي من تصاويره

يا هيبة الوقت وين احساسي الأصلي
من قبل اناجيه يستفتح رضى غيره

ويعارض اشياء فيها جزء من كلّي
هو عدل ؟! وإلا زمانه ساق له خيره

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر