رايح على وين مدري وين انا رايح - بندر بن حسين المرشدي

رايح على وين مدري وين انا رايح
ياضيقة الصدر مدري ياسعة صدري

ارضي شتات الغريب ورحلتي سايح
لدار هذا ثراه ولا هذا قدري

مع نفحت الذكريات وعطرها الفايح
رافقني الهم والحرمان من بدري

من يوم لا عادها الله صيحة الصايح
معاد لي بالهوى يناعس الخدري

اشفق لغر السحاب وبرقها اللآيح
ورقا وسند عليه وينتحي حدري

لكن ياذ الحمام وصوته النايح
ادخل على الله تفارق عن قفص صدري

الحر لامنه امسى فالشبك طايح
يموت ولا يجي ويروح مايدري

على الخطا يازمن مسموح ومبايح
صار الوفا فيك طبعي والجزا غدري

ون رحت والله مدري وين انا رايح
تعدد الأسئله واجابتي مدري

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر