ياوقت أخذ ماتشا واللي تبا سوّه
ماقدر الله على المخلوق يرضابه
اباتصبر عسى صبري على القوّّه
ومعوضً خير من يصبر لما صابه
والدرب قدام عيني والعمر توّه
لو أن وقتي معاناتي من اسبابه
اسعى وهمي بقلبي يشتعل ضوّه
أدق باب الزمان اللي قفل بابه
وغيري من الناس دايم صافياً جوّه
يمشي زمانه على كيفه ويسلابه
دايم وبينه وبين الماده خوّه
اللي على شان ماله تكثر اصحابه
وغيري يراع الوجيه ولابه امروّه
اليا طمع من حدً قام يتحفوابه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين