هذا شعور وصعب أحلل ظروفه
 الناس والدنيا تجي عكس الأوضاع
 أحيان أحس ابفرح واللي اشوفه
 المجتمع والوقت زادت به أوجاع
 عالم غريب كيف بتقن وصوفه
 الفرح عندي كيف ياصاحبي ضاع
 اجلس حزين والعنا من يحوفه
 من ضيقتي الناس تضحك بالإجماع
 وشلون ابسلى ياليالي الحسوفه
 درب الفرح وشلون يشرى وينباع
 اللي خذا من ضيم وقته بروفه
 هذا زمانٍ تنكوي فيه الأسباع
 ماهيب قصة واحدٍ مل خوفه
 شفت المعزي من عنا الوقت ملتاع
 الورد يذبل مالحقنا قطوفه
 والنفس ضاقت مالها اليوم مرباع
 الحين حالي يالرفاقه امعروفه
 كنت احسب ان الوقت للهم سمَّاع
 بجمع نقاط الوقت ويّا حروفه
 وايقنت ان الحظ ماهوب لي طاع

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين