ما دهى الثكلى - محمد المناعي

دهاني ما دهى الثكلى دهاني
تحطّم منه اركون المباني

تمكّن بي وانا ما اطيق صبره
وكيف الحل يوم انه احتواني ؟؟

تحريت الفرج يا طول بعده
بعد ما كان من يمناي داني

تحريته واظن انه مِصيف
ولوْ لي عمر نوحٍ ما أتاني

على خلٍ حمل عفشه وأبعد
وسمّرني من الفجعه مكاني

دعيته فالعسر عيّا يجيبي
وانا ضيقي من ادموعي دماني

تركني مجزيٍ لركون ونّي
عقب ماهو بهجرانه جزاني

تركني أصفق الجفين حسره
وكل منهو رأى حالي عِزاني

سقاك الله يا وطرٍ جمعني
بنورٍ واشهد إن نوره عماني

عماني عقب ماهو شال نوره
وجيش الليل بسهومه رماني

تركني والصدر تغلي همومه
إلين ان فاضت اهمومي معاني

تحريت الفرج يا طول صبري
عقب ماهو لمفتاحه دعاني

تحريته وأدري ما يعوّد
ولو عاد اللبن في الضرع ثاني

دهاني ما دهى الثكلى دهاني
وهدّم ما بقى بين المحاني

© 2024 - موقع الشعر