عرس هالأيام

عرس هالأيام بيكلّف
‎بالألف ميتين أو إميه

الغني بيروم يتصرّف
‎لو بيطلب منه تسعميه

والفقير يتم يتحسّف
‎ما معه بيزاته شويّه

لو جمع لو كدّ لو ولّف
‎المهر يبغي له وفيه

كان يبغي الشاب يتعفّف
‎سار بايخطب له بنيّه

الأبو بيقول نتشرّف
‎(م) الدراهم هات كميّه

كان ما عندك فقم وانجف
‎لا تلوف الدار موليّه

واجبٍ (م) البنك يتسلّف
‎كان يبغي بنت لأهليّه

من ولاة الأمر تتعسف
‎بالطلب شايات وهميّه

ما قدر قد سار متلهّف
‎سافر وبيّيب هنديّه

والزواج هناك ما يكلّف
‎والمهر ألفين ربيّه

يا الأخو لو تدري وتعرف
‎صارت العادات غربيّه

راح شرع الدين لي ينصف
‎وراحت العادات لأصليّه